ئه‌ڤڕۆ پێنجشەمبی31ـێ تەممووزا 2025، ل سەڵاحەدین سەرۆک مه‌سعود بارزانی پێشوازیی ل شاندەکێ سەربازیێ بریتانیا ب سەرۆکایەتییا ئیدوارد ئاڵگرن، ڕاوێژکارێ بلندێ بەرگرییا بریتانی بۆ کاروبارێن ڕۆژهەڵاتا ناڤین و باکوورێ ئەفریقا کر.
دوێ هەڤدیتنێدا کۆ ئەندرو بیزلی، کونسولێ گشتیێ بریتانیا ل هەرێما کوردستانێ ئامادە بوو، گۆهڕینێن دوماهیکێ و ڕەوشا سیاسی و ئەمنیا عێراقێ و دەڤەرێ ب گشتی گفتوگۆ کرن. هەروەسا شاندێ مێهڤان ئیدانەیا وان هێرشێن درۆنی کر یێن کۆ ژبۆ سەر هەرێما کوردستانێ دهێنە کرن و پشتەڤانیا خۆ بۆ پاراستنا ئاسایش و سەقامگیرییا هەرێما کوردستانێ دووپات کر و داخواز کر کۆ زووی ئەو هێرش بهێنە ڕاوەستاندن و ئەنجامدەرێن وێ بهێنە ئاشکرا کرن و رووبڕوویێ یاسایێ ببن.
هەر د وێ هەڤدیتنێدا تەکەز لسەر پتەوکرنا هاریکاری و هەماهەنگییا سەربازی و ئەمنی دناڤبەرا حکوومەتا هەرێما کوردستانێ و بریتانیا هاتە کرن.
پەیوەندیێن ناڤبەرا حکومەتا هەرێما کوردستانێ و حکومەتا عێراقا فیدڕاڵ و ڕەوشا سیاسییا نافخۆیا هەرێما کوردستانێ تەوەرەکێ دی یێ وێ هەڤدیتنێ بوو