سه‌رۆك نێچیرڤان بارزانى رادگه‌هینیت، دڤێت هه‌مى ئالییه‌ك هاریكار بیت بۆ نه‌هێلانا داعشێ ب ئێكجارى ل ئیراق و سووریا.
ئه‌ڤرۆ سپێدێ پێنجشه‌مبێ 31-7-2025ێ نێچیرڤان بارزانى، سه‌رۆكێ هه‌رێما كوردستانێ ل گه‌ل جه‌نه‌رال كیڤن لامبێرد، فه‌رماندارێ هێزێن هه‌ڤپه‌یمانان ل ئیراق و سووریا و شانده‌كێ ل گه‌ل دا كۆمبوو.
د كۆمبوونێ دا وه‌زیر و سوپاسالارێپێشمه‌رگه‌ى و كونسلێ گشتى یێ ئه‌مریكا ل هه‌رێما كوردستانێ ئاماده‌ببوون، دوماهى پێشهاتێن ره‌وشا ئێمناهیێ و گه‌ف و مه‌ترسیێن تیرۆرێ و لڤینێن داعشێ هاتنه به‌حسكرنن هروه‌سا به‌حس ل پێدڤییا كاراكرنا زێده‌تر یا پێنگاڤێن پرۆسێسا ئێكخستنا پێشمه‌رگه‌ى و چاكسازیێن وه‌زاره‌تا كاروبارێن پێشمه‌رگه‌ى هاته‌كرن.
هه‌ر دو ئالى هه‌ڤرابوون كو هێشتا داعش مه‌ترسییه‌كا جدى یه ل سه‌ر ئاساییش و سه‌قامگێرییا ئیراق و سووربیا ژبر ڤێ یه‌كێ ژى پێدڤیه هه‌مى ئالییێن په‌یوه‌ندیدار هاریكار و هه‌ماهه‌نگ بن بۆ به‌رهگناربوونا وێ و هه‌مى هاریكارییه‌كێ بكه‌ن بۆ نه‌هێلانا وێ ب ئێكجارى ل ئیراق و سووریا و بۆ ڤێ مه‌ره‌مێ ژى به‌رده‌ومییا ئه‌ركێ هێزێن هه‌ڤپه‌یمانییا نێڤده‌وله‌تى ب پێدڤى زانى.
هه‌ر دو ئالییان دوپاتكر، كو كورد و پێكهاتێن سووریا دڤێت هه‌ڤپشكێن كارا یێن نوكه و پاشه‌رۆژا وه‌لاتى بن و هه‌روه‌سا دوماهى پێشهاتێن ره‌وشا رۆژهه‌لاتا ناڤین و ده‌رئه‌نجام و كارتێكرنا وێ ب سه‌ر سه‌قامگێرییا وه‌لاتێن ناوچێ و په‌یوه‌ندیێن ئیراق و هه‌رێما كوردستانێ ل گه‌ل وه‌لاتێن جیران ته‌وه‌ره‌كێ دى یێ كۆمبوونێ بوو.