كۆمسیۆنا بلندا سه‌ربه‌خۆیا هه‌ڵبژارتنێن عێراقێ، ڕۆژا بانگه‌شا هه‌ڵبژارتنان بۆ په‌رله‌مانێ عێراقێ دیاری كر.
حه‌سه‌ن هادی، ئه‌ندامێ تیما ڕاگه‌هاندنا كۆمسیۆنا بلندا سه‌ربه‌خۆیا هه‌ڵبژارتنێن عێراقێ ڕاگه‌هاند، هژمارا وان كه‌سێن كۆ فۆرم پڕ کری ب مه‌رەما هندێ کۆ ل رۆژا هه‌ڵبژارتنان، وه‌ك كارمه‌ندێن كۆمسیۆنێ كار بكه‌ن، گه‌هشتیه 650 هزار كه‌سان.
ئاماژه بۆ وێ ژی كر، رۆژا 10ێ ئه‌یلوولا بهێت، بانگه‌شا هه‌ڵبژارتنان دێ ده‌ست پێكەت و 24 دەمژمێران بەری ده‌نگدانا تایبه‌ت دێ ب دوماهیک هێت.
ئه‌و ژی دیار کر، هه‌ر به‌ربژێر و لیستەك د دەمێ بانگه‌شا هه‌ڵبژارتناندا سه‌رپێچیێ بكه‌ت، لگورەی سه‌رپێچیێن وان ژ ئێک ملیۆن دینار هەتا 25 ملیۆنان دێ هێتە غه‌رامه كرن