وه‌زاره‌تا كەهره‌با حكوومه‌تا هه‌رێما كوردستانێ ئاماژه بۆ وێ کر كۆ 450 هزار هەڤبەشێن ماڵان و 90 هزار هەڤبەشێن بازرگانی ل کەهرەبا 24 دەمژمێری مفادارن و زێدەتر ل 2100 مالیده ژی هاتینە راکرن.
ئه‌ڤرۆ پێنجشه‌مبی 10ێ ته‌مموزا 2025، وەزارەتا کەهرەبا هه‌رێما كوردستانێ ڕاگه‌هاندنەک بڵاڤكر و تێدا هاتیه، وه‌زاره‌تا كەهره‌بێ ب سەرکەفتیانە شیایە د دەمەکێ کێم پڕۆژێ ڕووناکی یا کەهرەبا 24 دەمژمێری بگەهینیتە 450 هزار هەڤبەشێن ماڵان و 90 هزار هەڤبەشێن بازرگانی، ب ڤێ ژی 2,000,000 ملیۆن وڵاتی ژڤێ خزمەتگوزاریێ مفاداربوینە کۆ هەتا نوکە نزیکێ (30%)ێ ژ پڕۆژەی، هاتیە جێبەجێ کرن.
ئه‌و ژی دیار کر، زێدەتر ل 2100 ملیده هاتینە راکرن و هەتا دوماهیکا ساڵا 2026 زێدەتر ژ 7000 مالیدێن گازوایلێ یێن تاخێن جودا جودا دێ هێنە ڤەمراندن، و بڕیارە هەتا دوماهیکا ساڵا 2026، هەمی کوردستانێ ڤەگریت.