ئه‌ڤرۆ ب ئاماده‌بوونا وه‌زیرێ په‌روه‌ردێ یێ حكۆمه‌تا هه‌رێما كوردستانێ و پارێزگارێ دهۆكێ و سه‌رۆكێ ده‌زگەهێ خێرخوازیێ بارزانی و قایمقامێ دهۆكێ و ڕێڤه‌رێ گشتیێ په‌روه‌ردێ، ده‌زگەهێ خێرخوازیێ بارزانی ب هه‌ماهه‌نگی دگه‌ل هه‌ردوو ڕێكخراوێن ئه‌مریكی LDS و Stirling Foundation پڕۆژێ دابینكرنا كەهره‌بێ برێكا تێهنا ڕۆژێ بۆ دەهـ قۆتابخانێن پارێزگه‌ها دهۆكێ ڕاگه‌هاند.
وه‌زیرێ په‌روه‌ردێ و پارێزگارێ دهۆكێ سوپاسیا ده‌زگەهێ خێرخوازیێ بارزانی كر كۆ ماوێ ده‌ربازبوویی و ب دوو قۆناغا كار لسه‌ر دابینكرنا كەهره‌بێ ب تێهنا ڕۆژێ بۆ 35 قوتابخانان كریه و ب ده‌هان قوتابخانە ئاڤاكرینە و نویژه‌نكرینە و ئه‌ڤرۆژی دوو پڕۆژه د كه‌رتێ په‌روه‌رده‌ێ دا پێشكێشكرن كو ژ چه‌ندین مزگه‌فت و قوتابخانان پێکهاتیە.