مەسروور بارزانى پێشوازی ل نوینەرێ تایبەت یێ یۆنامی ل ئیراقێ کر

مەسروور بارزانى پێشوازی ل نوینەرێ تایبەت یێ یۆنامی ل ئیراقێ کر و کۆمبوونێ دا هەردو ئالییان گفتۆگو ل دۆر دویماهی پێشهاتێن گشتی ل ئیراق و دەڤەرێ کر.

سەرۆکوەزیر مەسروور بارزانى، ئەڤرۆ، پێنجشەمبییێ، 3-7-2025، پێشوازی ل محەممەد ئەلحەسسان، سەرۆکێ یۆنامی و نوینەرێ تایبەت یێ سكرتێرى گشتي یێ نه‌ته‌وەیێن‌ ئێکگرتی ل ئیراقێ کر. حکومەتا هەرێما کوردستانێ راگەهاند؛ د کۆمبوونێ دا بەحسی دویماهی پێشهات و ئالۆزییێن گشتی ل ئیراق و دەڤەرێ هاتەکرن.

دیارکر ژی؛ دوپاتی ل وێ یەکێ هاتەکرن کو پێدڤییە رێز ل سیستەمێ فیدرالی یێ ئیراقێ و قەوارەیێ دەستووری یێ هەرێما کوردستانێ و ماف و شایستەیێن دارایی یێن خەلکێ هەرێما کوردستانێ بهێتەگرتن.

دا زانین ژی؛ تەکەزی ل چارەکرنا کێشەیێن دناڤبەرا هەرێما کوردستانێ و حکومەتا فیدرال دا، ل سەر بنەمایێ دەستووری هاتەکرن.

ئاشکراکر ژی؛ د پشکەکا دانوستاندنان دا، دوپاتی ل گرنگییا پاراستنا ئاسایش و سەقامگیرییا ئیراق و هەرێما کوردستانێ هاتەکرن.