بالیۆزخانه‌یا ئه‌مریكا ل به‌غدا هێرشێن ل سه‌ر كێلگه‌هێن په‌ترۆلێ ل خۆرمه‌له و سه‌رسنك شه‌رمزاركرن و داخواز كر ئیراق لێكۆلینێ بكه‌ت.
د هه‌یاما چه‌ند ده‌مژمێرێن بۆرى دا چه‌ندین هێرش ل سه‌ر په‌ترۆله‌هێن هه‌رێمێ هاتینه كرن كو ئێك ژ وان ل پارێزگه‌ها هه‌ولێرێ بوو كو ژ ئالیێ دو درۆنان ڤه ل سه‌ر په‌ترۆلگه‌ها خۆرمه‌له هاتییه‌كرن، هه‌روه‌سا سپێده‌هییا ئه‌ڤرۆ ژى ل ده‌مژمێر 7 هێرشه‌ك ل سه‌ر په‌ترۆلگه‌ها سه‌رسنگ ل سنۆرێ پارێزگه‌ها دهۆكێ هاتییه‌كرن و زیانێن هه‌ر دو په‌ترۆلگه‌هان دیار نینن.
بالیۆزخانه‌یا ئه‌مریكا ل ئیراقێ هێرشێن ل سه‌ر كێلگه‌هێن په‌ترۆلێ ل خۆرمه‌له و سه‌رسنك شه‌رمزاركرن و داخواز ژ حكومه‌تا ئیراقێ كر لێكۆلینێ بكه‌ت و پێڕابوونان ل ئالیێن ل پشت بگریته به‌ر.
هه‌روه‌سا ئاشكراكر، دڤێت حكومه‌تا ئیراقێ رێ ل هێرشان بگریت و سه‌روه‌رییا خۆ ب پارێزیت و ئاشكراكر، هێرش دێ زیانێ ب كۆمپانى و وه‌به‌رهێنانا بیانى ل ده‌ڤه‌رێ گه‌هینن