جڤاتا وەزیرێن هەرێما کوردستانێ ئەڤرۆ دێ ب سەرپەرشتییا مەسروور بارزانی، سەرۆکێ حکومەتا هەرێما کوردستانێ کۆمبیت و بابەتێ مووچەیی و رێککەفتنا ل گەل بەغدا بەحس کەن.
د راگەهاندنێ دا هاتییە، د برگەیا ئێکێ دا دێ پێشهاتێن ڤێ دویماهییێ یێن تایبەت ب بجهئینانا دویماهی رێککەفتن و لێکتێگەهشتنا هەڤپشک د ناڤبەرا حکومەتێن هەرێم و فیدرالی دا دەربارەی دۆسەیا مووچە و شایستەیێن دارایی یێن هەرێمێ، پەترۆل و داهاتێ نەپەترۆلی بەحس کەن.
هەروەسا هاتییە، د برگەیا دویێ دا دێ نڤیسارا کۆمبوونا تایبەت ب بجهئینانا دەقێ رێککەفتنا د ناڤبەرا حکومەتا هەرێما کوردستان و حکومەتا فیدرالی دا ب مەرەما دانانا میکانزما رێکخستنا کارێن دەستەیا پێوانەسازی و کۆنترۆلا جۆری یا هەرێمێ بەحس کەن.