مالپەرێ ئەل مۆنیتۆر یێ ئەمریکی د راپۆرتەکێ دا دبێژیت: سەرۆک نێچیرڤان بارزانی رۆلەکێ مەزن دگێریت، ناڤبەینکارییێ دکەت بۆ چارەکرنا کێشەیا کوردان ل رۆژئاڤا.
ل گۆرەی راپۆرتێ، دویماهی کۆمبوونا د ناڤبەرا تۆم باراک، هنارتییێ ئەمریکا و مەزلووم عەبدی دا ل عومانێ گەلەک باشتربوو ژ کۆمبوونا بەرێ وێ ل دیمەشقێ، پێگەهێ کوردان گەلەک بهێزبوویە تایبەت پشتی رویدانێن تائیفی ل پارێزگەها سوەیدا.
هەروەسا هاتییە، تۆم باراک گەلەک یێ نەرم بوو و بەستییا د ناڤبەرا وان دا شکەستییە.
راپۆرت دبێژیت، سەرۆک نێچیرڤان بارزانی رۆلەکێ مەزن د دانوستاندنێن مەزلووم عەبدی و ئەحمەد شەرعی دا دبینیت. سەرۆک نێچیرڤان بارزانی بوویە ناڤبەینکار د ناڤبەرا مەزلووم عەبدی و رەجەب تەیب ئەردۆگانی دا.
هەروەسا هاتییە، سەرۆک نێچیرڤان بارزانی بزاڤێ دکەت باوەرییێ بۆ ئیدرا ترەمپی چێکەت کو دیدگەها ئەحمەد شەرعی بۆ دەولەتا مەرکەزی یا گونجایی نینە بۆ وەلاتەکێ فرە نەتەوە و تائیفە، ئەو بزاڤێ دکەت نموونەیەکا دەستهەلاتێ د ناڤبەرا مەرکەزی و فیدرالییێ دا وەک چارەسەرییا ناڤین بۆ سووریێ ببینیت.