وەزارەتا دارایی یا حکومەتا هەرێما کوردستانێ د راگەهاندنەکێ دا دوپاتکر کو 120 ملیار دینار ژ داهاتێ نەپەترۆلی بۆ سەر هەژمارا بەنکا ناڤەندی یا ئیراقێ هاتنە هنارتن.
ل گۆرەی رێککەفتن و لێکتێگەهشتنا شڤێدی هاتییەکرن، حکومەتا هەرێمێ ئەڤرۆ دێ ل گەل 120 ملیار دینارێن داهاتێ ناڤخۆ یێ نەپەترۆلی، پەترۆلا بەردەست ژی رادەستکەت.
ل گۆرەی لژنەیا حکومەتا ئیراقێ، ژبەر هێرشێن درۆنان هەرێمێ شیانێن بەرهەمئینانا 81 هزار بەرمیلان د رۆژەکێ دا ماینە و ل گۆرەی رێککەفتنێ، 50 هزار بەرمیل دێ بۆ بکارئینانا ناڤخۆ بن و 31 هزار بەرمیل ژی دێ بۆ ئیراقێ هێنە هنارتن.
دهێتە چاڤەرێکرن ئەڤرۆ سوودانی د کۆمبوونا جڤاتا وەزیرێن ئیراقێ دا بریارا هنارتنا مووچەیێ هەیڤا 5 بدەت.