دادگەها فیدرالی نامەیەک ب هەلکەفتا جەژنا قوربانی بۆ مەسروور بارزانی، سەرۆکێ حکومەتا هەرێما کوردستانێ هنارتییە.
د پەیاما دادگەها فیدرالی دا هاتییە "ب ڤێ هەلکەفتێ ل گۆرەی دەستووری دوپاتییێ ل کاری دکەین کو تێدا بەرژەوەندییا خەلکێ ئیراقێ ب گشتی بخۆڤەبگریت، ئەڤ یەکە دێ بیتە ئەگەرێ بجهئینانا دوئەنجامێن سەرەکی د ئاڤاکرنا دەولەتێ دا، پاراستنا ئێکرێزییا ئیراقێ و پاراستنا بەرژەوەندییێن هەمی خەلکێ ئیراقێ ل پایتەختی و هەرێما کوردستانێ ژی".
"دەستوور رێکێ بۆ دەولەتا سیستەمێ وێ دیمۆکراتییا پەرلەمانی ڤەدکەت، دەستوور ئێکرێزییێ د پارێزیت و بنەمایێ یەکسانییێ د بەلاڤکرنا سامانان ب دادپەروەرانە گرەنتی دکەت ژ پێخەمەت وێ یەکێ هەمی کەس پشکداری ئاڤاکرنا ئیراقەکا دیمۆکراتی ببن ل گۆرەی بنەمایێن دەستووری و پارڤەکرنا تایبەتمەندییان".
"دوپاتدکەین کو خەلکێ ئیراقێ ژ باکۆری تا باشۆری خەلکەکێ مەزنە و خودانێن دەستهەلاتێ نە و خودانێن راستەقینە یێن سامانێ ئیراقێ نە. ئیراق هێزا خۆ ژ هەمی پارچەیێن خۆ وەردگریت و خۆشگۆزەرانییا خەلکی ژی ژ بنەمایێ یەکسانییێ و کارێ نشتیمانی یێ پێکڤە دهێت".