ئه‌ڤڕۆ دووشه‌مبی 2ێ 6ێ 2025، بورهان فه‌ره‌ج، سه‌رۆكێ ئێکەتیا زەلامێن كوردستانێ ڕاگه‌هاند، ل دەستپێکا ئەڤسالە هەتا هەیڤا ئایارا بووری 194 سكاڵایێن تایبه‌ت به توندوتیژییا دژی زەلامان هاتنە تۆمار كرن، ئه‌ڤەژی جوداهی دگەل سالێن بووری توندوتیژییا دژی زەلامان زێدە بوویە.
گوتژی، لگورەی وێ ئامارا کۆ ل بەردەستێ مەیە 23 زەلامان دوماهیک ب ژیانا خۆ ئینا و هه‌روه‌سا پێنج زەلامێن دی ژی، ب ئەگەرێ ئاریشەیێن خێزانی هاتنە کوشتن.
سه‌رۆكێ ئێکەتیا زەلامێن كوردستانێ كۆ باره‌گایێ وان ل سلێمانییه ئاشکرا کر:
"زەلام ژی هەڤشێوێ ژنان بوونه قوربانیێ توندوتیژییا خێزانی، ئه‌ڤه‌ژی ب ئەگەرێ نە هوشیاریێ یە، هه‌روه‌سا ڕێژەیا جودابوونێ ژی زێدە بوویە و پێدڤییە كار بهێتە کرن بۆ ڕێگری ژ توندوتیژییا خێزانی و چاره‌سه‌ریا هەژی بۆ ئاریشەیان بهێتە کرن."