بریارە سوبەهی جڤاتا وەزیرێن ئیراقێ ب سەرپەرشتییا محەمەد شیاع سوودانی، سەرۆکوەزیرێ ئیراقێ کۆمببیت و بابەتێ مووچەیێ هەیڤا پێنج یێ فەرمانبەر و مووچەخۆرێن هەرێما کوردستانێ ئێک ژ تەوەرانە.
ل گۆرەی زانیارییان: بابەتێ هنارتنا مووچەیێ هەیڤا پێنج ب قەر بەری جەژنێ دێ ئێک ژ تەوەرێن کۆمبوونێ بیت.
شیرەتکارێ سوودانی یێ دارایی ژی دبێژیت؛ دەستپێشخەرییەک هەیە و بەغدا دێ ب دو مەرجان مووچەیی ب قەر هنێریت.
مەرجێ ئێکێ: مووچە وەکو قەر دێ هێتە هنارتن و ژ پشکا هەرێمێ ناهێتە حسابکرن.
مەرجێ دویێ: پیدڤییە لژنەیەکا هەڤپشک ژ هەولێر و بەغدایێ بهێتە پێکئینان و چارەسەرییێن بنەرەتی بۆ کێشەیا مووچەیی ببینن.