بێوارحسێن زێباری، ھەولێر:
د ڤی دەمیدا سەرەدانا مسرور بارزانی بۆ ئەمریکا، بوویە ئێک ژ مانشێتێن سەرەکی یێن میدیایی یێن جیھانی، ھند لایەن بوویە جھێ نەرازیبوونێ، ئەو ژی وەکە ئەم دبێژین( ڕوڤی نەگەھشتە تری دگوتێ ترشە)، کو ئەو لایەن ژی وەکی ڤێ گوتنێنە کو ناگەھنە وی ئاستی یان ڤان جۆرە کۆمبوونان بۆ ھندێ ئەو بەردەوام ھەجەتان دگرن، ل ھەمبەری وان دەستکەفت و جڤینیێن گرنگ یێن مسرور بارزانی. بەلێ یا بێ مفا و ئەنجامە ژی چونکی، ئەوا مسرو بارزانی دکەت زۆر مایە و ھەر ناگەھنە وی ئاستی ژی.
ژ ڕوویەکێ گرنگ بۆ بلند کرنا جھـ و ناڤ و ئارامییا ھەرێما کوردستانێ بوویە، ل مەیدانا نێڤدەوڵەتی دا و دانە ناسینەکا گرنگتر ژی بۆ ڤان وەلاتان، ئەڤە چەندا سەرۆک وەزیر، مسرور بارزانی، ل واشنتون پایتەختێ ویلایەتا ئێکگرتی د چاڤپێکەفتنەکا گرنگ و کۆمبوونێن زێدەتر یێن جودا ھەبووینە لگەڵ وەزیری دەرڤەیا ئەمریکا، مارکو ڕۆبیو و دیسان وان کۆمبوونێن دیتر یێن گرنگ ھاتینە ئەنجامدان. ئەڤ سەرەدانە پەیامەکا پشتەڤانیا ب ھێز ژ لایێ ئەمریکا بۆ ھەرێما کوردستانێ ئینا و ژوورا ھەڤبشی ناڤبەرا ھەردوولا پەسەندکرا.
ھەروەھا ئەڤ یەکە ژی بوویە ئەگەرێ ھندێ کو زێدەتر پێگەە و ئارامییا دەڤەرێ تایبەت باشوورێ کوردستانێ، بۆ وەلاتان بھــــێتە دانان وەک ھەرێمەک ئارام و خۆشگۆزەرانی تێدا بەردەوامە و کار و پێنگاڤێن زێدەتر بۆ دھێنە ئەنجامدان.
دڤان دیداران دا، ھەردوو لایەنێن کۆمبوونکری بۆ زێدەکرنا وەبەرھێنانێ و بازرگانیکرنێ بۆ ھندێ کو ئەو گرێبەستا لگەل کۆمپانییێن ئەمریکا ھاتییە واژۆکرن. بۆ ھندێ کوبۆ پەڕەپێدانا بەرھەمھێنانا گازا سروشتی ل ھەرێما کوردستانێ.
ئەڤ دیدارە و کۆمبوونە ژی ھند سەرنج دان بۆ پاراستنا مافێن کەمینەیێن ئایینی و نەتەوەیی ل عیراق و سووریا، کو ئەڤ چەندە نیشان و بەڵگەیە بۆ ھندێ کو ھەردەم ئاخ وەلاتێ کوردستانێ جھێ پێگڤە ژیانا گەل وەلاتانە بوویە، تەڤایا جیھانێ ددەنە دیارەکرن. ئەڤ ئاخە لەوما زێدەتر پێدڤی بوونەکا زێدەترە بۆ وان پێکھاتان کو ناڤدا دژین و ببیتە ئێک ژ فاکتەرێن ھەبوونا ژیانەکا ئارام و خۆشتر کو خەلک ب ئارامی و بێ زیان و زۆڵم و زۆرداریی دا دژین و بگەھنە مافێن خۆ یێن دەستووری و یاسایی.
لێرەدا، ئەڤ چەندە ژی ھاتە ئاشکرا کرن و ئاشکرا ژی بوویە کو ھندی ئەمریکا پشتەڤانەکێ ب ھێزە دگەل ھەرێما کوردستانێ ل ڤی دەمێ ھەستیار دا و تایبەت کو پتریا دەڤەر و جھێن دیتر بووینە ئالۆزی و ھەرێما کوردستانێ جھەک سەقامگیر و ئارامە، ئەڤ یەکە ژی بوویە جھێ ھندێ کو ھەرێم ژی ھەردەم ئاستێ خۆ یێ ناڤخۆیی و یێ عێراقێ ژی د ناڤا ئاستێ وەلاتێن جیھانێ دا بلند دکەت.
دھێتە زانین کو ئەڤ سەرەدانا مسرور بارزانی، بێگومان بوویە پێگەھەکێ سەقامگیر و جێگیر و وە ھەروەھا ھەرێم ب پێگەھەکێ ب ھێز بەرەڤ داھاتوویەکێ گەشتر و ئاسایش دچیت، ئەڤە ژی ئەگەرێ ھندێ یە کو سەرکردە و سەرۆکێن کوردان چ (سەرۆک بارزانی، نێچیرڤان بارزانی و مسرور بارزانی) ھەردەم بۆ ھەرێمەکا ب ھێز و خۆڕاگر شەڕ کریە و بەردەوام ژی ب پەیوەندێن ژیرانە و پەیوەندیێن نێڤدەولەتی یێن ب ھێز بۆ ھندێ کو ھەردەم ئەڤ دەڤەرە بمینیت ب ئارامی و سەقامگیری لێ ھەبیت و زێدەتر ڕویێ وەلات و گەشتیاران بدەن ناڤچەیێن ھەرێماکوردستانێ و ئارامیێ ژی زێدەتر بۆ بھێتە کایەوە.
دھێتە گوتن و زانین وەکی ل بەرێ مە ژی ئاماژە دایە ھندێ کو ھەردەم سەرکردێن مە شەڕ کریە بۆ جھەک و دەڤەرەک ئارام بھێتە ئاڤاکرن و دروستکرن، بۆ ھندێ زێدەتر وەلاتێن بیانی ڕو ل ھەرێما کوردستانێ بکەن.