ئەڤرو روژا ئێک شەمبی رێکەفتی 18 / 5 / 2025 د.مەردان خدر، بەرپرسێ لقا9 یا پارتی دیموکراتی کوردستان ل بارەگایێ لقێ پێشوازی ل خاتوون زیبا تەها سكرتێرا ئێكەتیا ئافرەتێن كوردستانێ و ئەندامێن مەکتەبا سکرتاریەتێ کر.
د روونشتنەکێدا بەرپرسێ لقێ ب بەرهەڤبونا فەیروز تەها، کارگێرا لقێ و ستافێ ناڤەندا ئاکرێ یا ئافرەتان بەحسی ل رول و بزاڤ و گرنگیا خزمەت و خەباتا ئێکەتیا ئافرەتێن کوردستانێ کر.
هەروەسا ژبوی زێدەتر بەرەڤ پێشڤەچونا خزمەت و ئاست و پێتڤی و داخازیێن ئافرەتان ل ئاکرێ و بەردەرەش بەرپرسێ لقێ دگەل سكرتێرا ئێكەتیا ئافرەتێن كوردستانێ بەحس ل چارەسەریان کرن.
ل داویێ ژی بەرپرسێ لقێ ژبوی خزمەتا گشتی و تایبەت ژی یا ئافرەتێن ڤێ دەڤەرێ بەردەوام پالپشتی و پشتەڤانیا خو بو وان دوپاتکر.