پۆلیسێن ئاكرێ راگه‌هاند، كه‌سه‌ك هاتییه ده‌سته‌سه‌ركرن ل دو جهان ل ئاكری ته‌قه‌یا هه‌ره‌مه‌كى كریه و چ زیان نه‌بووینه.
مقدم عیماد حسێن پەیڤدارێ پولیسێن ئاکرێ بۆ ئاکرێ نیوز گوت: ئه‌ڤرۆ سپێدێ ل ده‌مژمێر 8:15 خۆله‌ك ژووا كۆنترۆلێ یا ژماره 104 یا پۆلیسین هه‌وارهاتنا ئاكرێ هاتییه ئاگه‌هداركرن كو حاله‌ته‌كێ ته‌قێ هه‌یه، پۆلیس ئێكسه‌ر چووینه جهێ روودانێ و د ده‌مه‌كێ كورت دا ئه‌و كه‌س ده‌سته‌سه‌ركریه.
لگۆڕه‌یى پۆلیسان وى كه‌سى ته‌قه ل دو جهان ب شێوه‌یه‌كێ هه‌ره‌مه‌كى ل ترافیكێن پیشه‌سازى و ده‌ڤه‌رداریێ ته‌قه‌یا هه‌ره‌مه‌كى كریه.
هه‌روه‌سا پۆلیسان دایه‌زانین ب فەرمانا دادوەرێ لێكۆلینێن ئاکرێ پەرێن ڤەکۆلینێ بۆ تۆمەتباری ل بنگەهێ پۆلیسێن گولان هاتینە ڤەکرن و لديف بریارا 570 یا سالا 1982یێ ژ یاسایا سزادانی تۆمه‌تبار هاتییه ده‌سته‌سه‌ركرن و ده‌ست ب سه‌ر چه‌كێ وى ژى دا هاتییه گرتن و لێكۆلین به‌رده‌وامه.