وەکو نەریتەکێ سالانە، ب مەرەما راگرتنا باژێرێ ئاکرێ ب پایتەختێ نەورۆزێ، هژمارەکا گورانکاریان ل ئاکرێ دهێنەکرن وەکو بەرهەڤی بو نەورۆزێ.
بلند رزا، سەڕۆکی باژێرڤانیا ئاکرێ گوت، وەکو بەرهەڤی بو نەوروزێ و سەرسالا کوردی، د نوکە دا هژمارەکا کار و پرۆژە وەکو بەرهەڤی بو نەورۆزێ ل ئاکرێ دهێنەکرن.
زێدەتر گوت، ژ وان گورانکاریان چێکرن و بەرفرەهکرنا جهێ ئاهەنگ و هەلکرنا ئاگری و ئاهەنگا جەماوەری و یاریێن ئاکری ل سەرێ گری کو جهەکێ گرنگ و ناسیار و ستراتیجیە ل ئاکرێ و سالانە ئاهەنگ ل وێرێ دهێنەکرن، بەری نوکە جهـ یێ تەنگ بو و تێرا هەمووان وەکو پێدڤی نەدکر، ژبەرکو ئاکرێ جیاواز ل دەڤەرێن دی پێشوازیێ ل نەورۆزی دکەت و خەلک ل هەموو دەڤەران قەستا ئاکرێ دکەت.
سەڕۆکێ باژێرڤانیا ئاکرێ دیارکر ژی کو وەکو شارەوانی، ب هەڤکاری ل گەل ئالیێن دی یێن گریدایی ئاکرێ بۆ هندێ جواتتر پێشوازی ل نەورۆزێ بهێتەکرن، دەمێ نێزیکێ هەیڤەکێ یە دکاری دا و هەتا نەورۆزێ کار و پڕۆژە وبەرهەڤی دێ بەردەوام بن و گوت ژی، مە دڤێت جوانترین شێوە خزمەتا ئاکرێ و مێهڤان و نەورۆزڤانان بکەین داکو ل دەمێ دهێنە ئاکرێ دەمەکێ خوش دناڤ جوانی و کەشوهەوایێ ئاکرێ ببورینن.
ئاکرێ نێزیکێ بۆ دەمێ چاندین سالانە ب رەنگەکێ جودا ب روپیڤان و هەلگرتنا خەتیرێن ئاگری، ئاگرێ نەورۆزێ بۆ سەرێ کەلها ئاکرێ و کەلەکەڤنێ ب دەستێ کچ و کورا دهێنەبرن، ڤان چەند سالێن دوماهیێ ژی د هەڤرکییەکا بهێز دایە بۆ هندێ بەرەڤانیێ ل ناسناڤێ پایتەختێ نەورۆزێ ل جیهانێ بکەت.