نوونهرا تایبهتا سكرتێرێ گشتییێ نهتهوهیێن ئێكگرتى ڕاگههاند، هێرشا ئیرانێ ل سهر ههولێرێ و كوشتنا خهلكێ سڤیل ئهو شۆك كرن، دڤێت عیراق ماف و شایستهیێن ههرێما كوردستانێ بۆ ب هنێریت.
جنین پلاسخارت نوونهرا تایبهتا سكرتێرێ گشتییێ نهتهوهیێن ئێكگرتى ل عیراقێ د گۆتارهكێدا ل كۆمبوونا جڤاتا ئاسایشێ ڕاگههاند، هیرشێن بهردهوامێن میلیشییان ل دهڤهرێ كهتوارهكێ نهخۆش دروستكرییه، ئهگهر ئهڤ هێرشه دبهردهوامبن، ئهو بزاڤێن ل ڕابردووى بۆ بهردهستكرنا ئاشتى و سهقامگێرییێ ل عیراقێ هاتینهكرن، دێ شكهستنێ ئینن.
ههروهسا گوت: ئهو هێرشا مووشهكییا ل ڤێ دووماهییێ ئیرانێ ل سه عیراقێ كرى كو گهلهك خهلك تێدا هاته كوشتن دناڤ واندا كچهكا بچووك ههبوو، ئهو تووشى شۆكێ كرن، عیراقێ ژى ب توندى ئهو هێرشه ئیدانهكر.
ئاشكرا ژى كر، عیراق د ڕهوشهكا ئالۆزدایه و ڕووبروو چهندین تهحهدییان بوویه، پێدڤییه ههموو ئهو هێرشه ب دووماهى بهێن و ب ڕاوهستن.
ل دوور پشكا ههرێما كوردستانێ د بودجهیا فیدرالییا عیراقێدا ئاماژه ب هندێ دا، دڤێت ئاریشهیا مووچهیێ مووچهخۆرێن ههرێما كوردستانێ بهێته چارهسهركرن، دڤێت ب زووترین دهم مووچه بۆ وهلاتییێن ههرێمێ بهێته هنارتن.