ئهندامهكێ جڤاتا نوونهرێن عیراقێ ڕاگههاند، ههتا نوكه چ لایهنێن شیعى ب فهرمى داخوازا ڕاگرتنا پشكا ههرێما كوردستانێ ژ بودجهیا گشتییا عیراقێ یا سالا 2024ێ نهكرییه، ئهو داخویانییێن ل سهر ڤى بابهتى بهلاڤبووین، ب تنێ یێن هندهك پهرلهمانتارانه.
د. خهلیل غازى ئهندامێ جڤاتا نوونهرێن عیراقێ ئاشكراكر، نه ب تنێ كورد و سوننه پشكدارى ڕوونشتنا پهرلهمانى سهبارهت دهرخستنا هێزێن ئهمریكا ژ عیراقێ نهبووینه، بهلكو بههرا پترا لایهنێن شیعى ژى د ئامادهنهبوون، كو كێمتر ژ 80 پهرلهمانتاران پشكدارى د ڕوونشتنێدا كربوو، د دهستههلاتا پهرلهمانیدا نینه بریارێ ل سهر دهرخستنا ئهمریكا ژ عیراقێ بدهت.
پشتى ڕوونشتنا بوورى یا جڤاتا نوونهران، هژمارهكا پهرلهمانتارێن شیعه ڕاگههاندبوو، ژبهركو كورد دگهل وان نهبوون، ئهوژى دێ ڕێگرییی ل پهسهندكرنا بودجهی و هنارتنا پشكا ههرێما كوردستانێ كهن، ل دۆر ڤێ چهندێ د. خهلیل غازى دیاركر، ئهو ب تنێ ئاخڤتنێن هندهك پهرلهمانتارانه، ههتا نوكه چ لایهنێن شیعى ب فهرمى ڕانهگههاندییه كو دێ ب دژى پشكا ههرێما كوردستانێ ڕاوهستن.