شانده‌كێ سه‌رۆكاتیا هه‌رێما كوردستانێ گه‌هشته‌ ئه‌مریكا


شانده‌كێ سه‌رۆكاتیا هه‌رێما كوردستانێ گه‌هشته‌ ئه‌مریكا و دێ ل دۆر په‌یوه‌ندیێن ئه‌مریكا و هه‌رێما كوردستانێ ل گه‌ل به‌رپرسێن ئه‌مریكى كۆمبیت.
سه‌رۆكاتیا هه‌رێما كوردستانێ د به‌یانه‌كێ دا راگه‌هاندکو "شانده‌كێ سه‌رۆكاتیا هه‌رێما كوردستانێ ب سه‌رۆكاتیا فه‌وزى هه‌ریرى سه‌رۆكێ دیوانا سه‌رۆكاتیا هه‌رێما كوردستانێ ب سه‌ره‌دانه‌كێ ل ئه‌مریكایه‌ و چه‌ندین دیدار و كۆمبوون دێ ل گه‌ل به‌رپرسێن واشنتۆنێ هه‌بن".
دیار ژى كریه‌ "شاند د ده‌مێ سه‌ره‌دانێ دا دێ ل گه‌ل به‌رپرسێن ئه‌مریكا و كۆنگرێسى ل دۆر په‌یوه‌ندیێن ئه‌مریكا ل گه‌ل ئیراقێ و هه‌رێما كوردستانێ، ره‌وشا ده‌ڤه‌رێ ب گشتى و چه‌ند پرسێن جهێ گرنگیپێدانا هه‌ڤپشك دانوستاندنان كه‌ت و بیروبۆچوونان لێكگوهۆڕن".
هه‌ر ل گۆره‌ى به‌یانا سه‌رۆكاتیێ "فه‌لاح مسته‌فا هاریكارێ سه‌رۆكێ هه‌رێما كوردستانێ بۆ كاروبارێن سیاسه‌تا ده‌رڤه‌ و نیاز سالح مسته‌فا به‌رپرسێ كاروبارێن ده‌رڤه‌ و دپلۆماسى د سه‌رۆكایه‌تیا هه‌رێما كوردستانێ د سه‌ره‌دانێ دا دێ ل گه‌ل سه‌رۆكێ دیوانا سه‌رۆكاتیا هه‌رێما كوردستانێ بن".
لاپەرێ دیڤدا لاپەرێ بەرێ