ڕۆژا 21ى شۆباتا هه‌موو سالان وه‌كو ڕۆژا جیهانییا زمانێ دایكێ هاتییه دیاركرن، دوێ ڕۆژێدا چالاكییێن زمانان ل سه‌رانسه‌رى جیهانێ دهێنه گێران، زێده‌تر ژ شه‌ش هزار زمانان ل جیهانێ هه‌نه، لێ ب تنێ 100 ژ وان د فه‌رمینه.
زمان ئێك ژ ئامراز و ڕێیێن گه‌شه‌كرنا زارۆكایه بۆ فێربوونێ د په‌روه‌ردێدا و مرۆڤ ب زمانى دچیته دناڤ چالاكى و ژیانا جڤاكیدا، زمان نه ب تنێ ئاستێ ژیرمه‌ندى و ڕه‌وشه‌نبیرییا مه‌زنان دیاردكه‌ت، به‌لكو ب ڕێیا زمانى دشیاندایه ئاستێ ژیرمه‌ندى و زیره‌كییا زارۆكان ژى ب هه‌لسه‌نگینیت.
بۆ جارا ئێكێ ڕێكخراوا یونسكۆ ل 17ى چریا دووێ یا سالا 1999ێ، ڕۆژا 21ى شۆباتا هه‌موو سالان وه‌كو ڕۆژا جیهانییا زمانێ دایكێ دا نیاسین، دووڤدا ژلایێ كۆمه‌لگه‌ها گشتییا نه‌ته‌وه‌یێن ئێكگرتیڤه هاته په‌سه‌ندكرن.
ئاهه‌نگا ئێكێ یا سه‌رانسه‌رى جیهانێ بۆ ڕۆژا زمانێ دایكێ ل 21ى شۆباتا سالا 2000ێ ل ژێر دروشمێ به‌ره‌ڤ پێشڤه‌برنا ئاشتى و فره‌زمانییێ ل سه‌رانسه‌رى جیهانێ و پاراستنا هه‌موو زمانێن دایكان هاته گێران.
ل سه‌رانسه‌رى جیهانێ ژ سه‌رجه‌مێ شه‌ش هزار زمانێن جۆدا، ب تنێ 100 زمان ب فه‌رمى كار پێ دهێته‌كرن.