د كۆمبوونا سهرۆكێ ههرێما كوردستانێ ل گهل وهزیرا دهولهتێ یا ئهلمانیا بۆ كاروبارێن بهرگریێ دا بهحس ل پشتهڤانیا ئهلمانیا بۆ ههرێما كوردستانێ هاته كرن.
سهرۆك نێچیرڤان بارزانى ئهڤرۆ ئهینیێ د درێژیا بهرنامهیێ خۆ د كۆنفرانسێ میۆنشن دا ل گهل سیمتجى مولهر وهزیرا دهولهتێ یا ئهلمانیا بۆ كاروبارێن بهرگریێ كۆمبوو.
ل گۆرهى بهیانهكا سهرۆكاتیا ههرێمێ "د كۆمبوونهكێ دا، زێدهبارى بهحسكرنا رهوشا ئهمنى ل ئیراقێ و ئالۆزیێن دهڤهرێ، ههردو لایان بهحس ل رۆل و پشكداریا هێزێن ئهلمانیا د ههڤپهیمانیا نێڤدهولهتى یا دژى داعش دا كر و بهحسێ هاریكارى و پشتهڤانیا ئهلمانیا بۆ ئیراقێ و ههرێما كوردستانێ كرن".
دیار ژى كریه "سهرۆك نێچیرڤان بارزانى سوپاسیا ئهلمانیا ژ بهر بهردهوامیا ئهركێ هێزێن وێ ل ئیراقێ و ههرێما كوردستانێ كر و ستایشا هێزێن ئهلمانیا ژ بهر هاریكارى و پشتهڤانیا وان ل پێشمهرگهى و پرۆسێسا چاكسازیێ د وهزارهتا پێشمهرگهى یا حكومهتا ههرێما كوردستانێ بۆ ئێكخستنا هێزێن پێشمهرگهى دا كر".
ئاماژه ب وێ چهندێ ژى كریه "د كۆمبوونهكێ دا، دویماهیك پێشهاتێن شهڕى ل غهزه و كارتێكرن و دهرئهنجامێن وێ هاتنه بهحسكرن".