نێچیرڤان بارزانی، سەرۆکێ هەرێما کوردستانێ د بیستەمین بیرەوەرییا هەردوو پەقینێن ئێكی شواتێ ل هەولێرێ دا، پەیامەك بەلاڤكر.
د پەیاما سەرۆكێ هەرێمێ دا هاتییە:
" ب ڕێزڤە یادا هەڤال و هەڤكارێن مە، شەهیدێن نەمر یێن ئێكی شۆاتێ دكەین و سەرێ ڕێز و نەوازەشێ بۆ وان دچەمینین.
بلا بیرەوەرییا شەهیدان كو كۆمەكا سەركردە و كادرێن دیار و خۆدان شیان یێن پارتی و ئێكەتی و لایەنێن دی و خەلكێ كوردستانێ بوون، و بوونە ئارمانجا تاوانەكا ڕەش یا تیرۆرستی بكەینە هێڤێنێ ئێكڕێزی و تەبایی و ئێكدو قەبویلكرنێ و كاركرنا پێكڤەیی بۆ خزمەتكرنا باشتر یا نوكە و داهاتوویێ گەل و نشتیمانی.
سلاڤ بۆ گیانێ شەهیدێن ئێكی شۆاتێ و هەمی شەهیدێن كوردستانێ. گیانێ وان شاد و یادا وان بخێر بیت. سلاڤ و ڕێز بۆ خانەوادە و كەسوكارێن سەربلند یێن شەهیدان. "