سالا 2023 سالەكا پڕی نەهامەتی بوو بۆ ڕۆژنامەڤان و میدیاكاران و تێدا 120 ڕۆژنامەڤان هاتنە كوشتن، ئەڤەژی بلندترین ئامارا سالانەیە د نەهـ سالێن بووری دا كو ب ڕێژا 44% زێدەترە ژ سالا 2022.
هەر ل هەمان سال، پێشێلكاری، گرتن و تۆمەتباركرن بۆ ڕۆژنامەڤانان گەهشتە گۆپیتكێ و ل 12 هەیڤێن سالا بووری 320 ڕۆژنامەڤان و میدیاكار هاتینە دەستەسەركرن.
ئەو ئامارا پێشێلكارییێن ل بەرامبەر ڕۆژنامەڤان و میدیاكاران هاتینە تۆماركرن، دووەم بلندترین ئامارە ژ سالا 1992 ڤە، ئێكەم بلندترین ئامار ل سالا 2022 هاتە تۆماركرن کو 367 پێشێلکاری بوون.
د سالا 2023 ژی دا، 25 ڕۆژنامەڤان ل سووریا، 19 ڕۆژنامەڤان ل ئیرانێ، 5 ڕۆژنامەڤان ل تورکیا هاتینە دەستەسەركرن، ڕەوشا عیراقێ ل 2023 یا باش بوویە و چ ڕۆژنامەڤان تێدا نەهاتنە دەستەسەركرن.
ل دویڤ پەیامنێرێن بێسنوور ژی، ل 2023 ڕەوشا ڕۆژنامەڤانان ل 31 وەلاتان زور مەترسیدار، ل 42 وەلاتان ب زەحمەت، ل 50 وەلاتان کێشەدار، ل 44 وەلاتان باش و ل 8 وەلاتان ژی گەلەك باش بوو.