ده‌سته‌یا خۆلا ئسپانیا ئه‌ڤرۆ ئه‌ینیێ ب فه‌رمى ژڤانێ یاریا كلاسیكۆ یا گه‌ڕا ئێكێ ژ خۆلێ دناڤبه‌را به‌رشلۆنا و ریال مه‌درید دا ده‌ستنیشانكر.
ده‌سته‌یێ راگه‌هاند؛ كلاسیكۆ دێ ل رۆژا شه‌مبیێ 28/10/2023 ل ده‌مژمێر 16:15 ل گۆره‌ى ده‌مێ ئسپانیا دێ هێته كرن.
ریال مه‌درید دێ بیته مێڤانا یانه‌یا به‌رشلۆنا د وێ یاریێ دا یا كو دێ ل یاریگه‌ها لویس كۆمپانیس یا ئولۆمپى هێته كرن كو تا دویماهیكێن سالا 2024 دێ یاریگه‌ها به‌رشلۆنا بیت هه‌تا كارێ نویژه‌نكرنا یاریگه‌ها وێ یا كه‌ڤن كامپ نو ته‌مام دبیت.
ئه‌ڤه ب كلاسیكۆیا ئێكێ دهێته هژمارتن كو دێ ل یاریگه‌ها لویس كۆمپانیس یا ئولۆمپى هێته كرن.
پشتى چار گه‌ڕان ژ ده‌ستپێكا لالیگایێ، ریال مه‌درید ل سه‌رێ رێزبه‌ندیا خۆلا ئسپانیا دهێت پشتى شیاى 12 خالان ژ چار سه‌ركه‌فتنان بده‌ستڤه‌بینیت.
هه‌روه‌سا یانه‌یا به‌رشلۆنا ب كۆمكرنا 10 خالان ژ سێ سه‌ركه‌فتنان و وه‌كهه‌ڤیه‌كێ ل رێزا سیێ دهێت.