ئاکرێ نیوز:
هەڤال فاخر خەلکێ گوندێ گویسکێ ل سەر ناحیا دینارتێ ڤە بۆ ئاکرێ نیوز دبێژیت: پشتی من خاندنا زانکۆیێ دوماهی ئینای من هزرکر ئەز بخو کارەکێ بکەم،من ل سوشیال میدیایێ دا هزرەک وەرگرت، پشتی چەند ڤەکۆلین و کارکرنێ من شیا پرۆژەکێ دروست بکەم یێ بەرهەمئینانا کڤارکان کو نها بەرهەمێ وان گەهشتیێ و سەرکەفتن من ئینا ل دروستکرنا وی پرۆژەیی دا.
زێدەتر گۆت کو ل پرۆژێ من دا 109 گینیکێن بەرهەمئینانا کڤارکان هەنە،ئەڤە نزیکی 15روژە بەرهەمێ وان گەهشتیێ،پشتی چەندین روژێن دی بەرهەمێ دی ژی دێ گەهیتێ،ئەم دشێین هەر چوار وەرزێن سالێ کڤارکان بەرهەم بینین،هەر هەیڤێ جارەکێ ئەم دشێین بەرهەم بینین.
هەڤالی گۆت:ئەگەر پشتگیریا مروڤی بهێتەکرن،رێکەک هەبیت بۆ بازارکرنا وان و بهێنە فروتن،دێ داهاتەک پێڤە هێت،ئەگەر پشتەڤانی هەبیت مروڤ دشێت بۆ داهاتی پڕوژێ خۆ بەرفرەھتر بکەت،ب ڤێ رێکێ دێ شێت هندەک گەنجان دەتەکاری و ئەو ژی دێ مفایی لێ بینن،لێ مخابن پشتەڤانی نینە و بازارێ وان یێ لاوازە.
خوارنا کڤارکێ مفایەکێ گەلەک زورێ هەی بۆ ساخلەمیا مروڤی،مروڤ شێت هەرچوار وەرزێن سالێ بخۆت،ب شێوازەکێ ساخلەم ل بن چاڤدێریەکا دروست و دهێنە بەرهەمئینان،نەوەکی یا چیایە،لەوا بەرهەمەکێ پشت راست کریە.
ل دوماهیێ ڤی گەنجی گۆت داخوازا من ئەوە لایەنێ بازارکرنێ دا بۆ فرۆتنا وان پشتیگریا من بهێتەکرن،داکو ئەز ژی بشێم پرۆژێ خۆ پتر پێش بێخم و بەرفرەهتر لێ بکەم،چونکی ئەگەر ئەو کڤارکا دگەهیت ئەگەر بەرهەمێ وێ ل وی دەمی دا نەهێتە فرۆتن دێ ئەو بەرهەم خراب،تایبەت وەرزێ گەرمێ یە،دێ زوی خراب بیت ئەگەر ل جهێن ساردا نەهێتەدانان،لەوا داخوازێ دکەم حکومەت پشتیگریا مە گەنجان بکەت.