سەرۆك بارزانی ل گەل ئەفسەر و پلەدارێن پێشمەرگەیی و دەزگەهێن ئەمنی ل سنوورێ پارێزگه‌ها دهۆكێ كۆمبوو

ئاکرێ نیوز

پشتی نیڤرۆیا” ئه‌ڤرۆ سێشەمبی 22 ی ته‌باخا 2023 ێ”  ل دهۆكێ سەرۆك مەسعود بارزانی ل گەل ئەفسەر و پلەدارێن پێشمەرگەیی و دەزگەهێن ئەمنی ل سنوورێ پارێزگه‌ها دهۆكێ كۆمبوو.
د وێ كۆمبوونێ دا سەرۆك بارزانی پێزانینێن خۆ بۆ قوربانیدان و ماندیبوونا هێزێن پێشمەرگەیی و دەزگەهێن ئەمنی هەبوو و سوپاسییا وان كر كو ئه‌و شییاینە سەقامگیری و ئاساییشا خەلكێ كوردستانێ دابین بكەن. گۆت ژی” پێشمەرگەیی و هێزێن ئەمنی هەردەم ل هێلا پێشییێ رووبروو هێرشانن و خەلكێ كوردستانێ قەدرێ هه‌وه‌ دزانیت و ڕاگەهاند كو هوون هەرده‌م یێ د دلێ من دا.
هه‌روه‌سا سەرۆك بارزانی به‌حسێ ره‌وشا سیاسییا هەرێمێ و پەیوەندی یێن دناڤبه‌را هەرێما كوردستانێ و عێراقا فیدڕالی و هەروەسا دۆزا گەلێ كوردستانێ و ئەو هێرش و تەحەددیاتێن ل هه‌مبه‌ر گەلێ كوردستانێ هه‌ین به‌رچاڤ كرن، ئەو ژی دوپات كر كو د ئەنجامدا ئیرادا گەلێ كوردستانێ ب سەر كۆسپ و پیلانان دا دێ سەركەڤیت” هەروەسا سەرۆك بارزانی گۆت” پێدڤییە گەلێ كوردستانێ پشت ب شییان و ئیرادا خۆ ببەستیت و ته‌كه‌زی ل سه‌ر هندێ كر” كو كوردستان ل سەرێ بەرژەوەندییا هەموو لایەنان بیت و دڤێت ب ئه‌گه‌رێ هەڵبژارتنان باوه‌رییا گەلێ كوردستانێ ب لایەنەنان نوو ببیته‌ڤه‌.