ئاکرێ نیوز:
شێوەکار شاد ئەحمەد کچا باژێرێ ئاکرێ بۆ ئاکرێن نیوز دبێژیت هەر ل زارۆکینیێ حەزا هونەری ل دەف من هەبوویە،ل سالا 2018ێ دەلیڤە چێبوو چومە پەیمانگەها هونەرێن جوان ل ئاکرێ و ئەڤە ژی پێنگاڤەکا باش بوو کو ئەز بشێم پتر هونەر و تابلۆیێن خۆ پێش بێخم.
تابلۆ ب شێوەکێ گشتی خەیالی و جڤاکی نە،تابلۆیێن ئەز چێدکەم پتر شێوازێ جڤاکی دهێنە چێکرن و دەربرینێ ل چەرخێن کلاسیکێن بەرێ دکەن،من دڤێت هێشتا تابلۆیێن خۆ پێش ب ئێخم و بشێوێ خەیالی چێکەم و رۆمانەکا کویر تێدابیت،هەتا بگەهمە وێ ئارمانجا من دڤێت.
بێگۆمان دەست پێکێ یا ب زەحمەتە هەتا بشێی تابلۆیێن خۆ چێکەی و ل پێشانگەهاندا پیشانبدەی،بەلێ بورینا دەمی من شیا ڤان پێنگاڤان بهاڤێژم،نها تابلۆیێن من ل پێشانگەهاندا دهێنە پیشاندان،ئەڤ چەندە ژی ب پشتەڤانیا مالباتا من بوویە تایبەتی بابێ من پشتەڤانەکێ سەرەکی بوویە هەتا کو ئەز گەهشتی مە ڤی ئاستی.
هەرکەسەکێ تشتەکێ بکەت و کار ل سەر ئارمانجا خۆ بکەت،بێگۆمان دێ ئاستەنگ بۆ چێدبن چ کچ بیت یان کور،لێ ئەگەر رێگری و ئاستەنگ نەبن، ئانکۆ مروڤ ل سەر رێکا دروست نیە.
داخوازا من ئەوە گرنگی ب هونەری بهێتەدان،گرنگی ب وی کاری بهێتەدان ئەوێ ئەم زەحمەتێ پێڤە دبەین،راستە هونەر یێ ب زەحمەتە،لێ تشتەکێ جوانە ژی دجڤاکی دا،لێ مخابن تاکێن جڤاکی مە هونەری تایبەتی شێوەکاریێ ب چاڤەکێ کێم دبینن،دبێژن چ تشت نینە و یا بێشۆلە لەوا خۆ ب هونەری ڤە مژویل دکەن،لێ هونەر خەون و ئارمانجا منە و مە دڤێت وان خەونا بجھ بینین،ئەوژی ئەگەر پتر گرنگیێ بدەنە هونەری و زەحمەتا مە بەرچاڤ وەربگرن.