ئاکرێ نیوز:
رەشید جمعە سەرۆکێ یانا دینارتێ ددەتە دیارکرن کو کو رەوشا دارایی یا یانا دینارتێ ل ئاستەکێ خراب دایە و هەتا نها یانێ پاسەک بۆ ڤەگۆهاستنا یاریزانان نینە و چەندین قەر ل سەر یانێ هەنە.
سەرۆکێ یانێ گۆت: بۆ دابینکرنا پاسێ مە گازندە گەهاندیە لایەنێن پەیوەندیدار،لێ هەتا نها بۆ مە نەهاتیە دابینکرن و ئەڤ هاتن و چوونە ژی بۆ مە بارگرانیە پارە لێ دهێتە خەرجکرن،چونکی ئەو پارێ نها بۆ مە دهێتە خەرجکرن یێ کێمە تێرا پێدڤیێت مە ناکەت،لەوا داخوازێ لایەنێن پەیوەندیدار دکەین رێکە چارەکێ بینن بۆ باشترکرنا رەوشا دارایی یا یانا دینارتێ.
ئەو چەندە ژی گۆت کو داهاتێ مە تنێ دوو ملیۆنە کو ژلایێ پارێزگەهێ دهێتە دابینکرن،ئەڤ بڕە پارە ژی یێ کێمە بۆ یانەکێ،هەرچەندە وەزارەتێ پلانەک هەیە و داخواز مەکریە کو هژمارەکا بانکی چێکەین و مە ئەڤ پێنگاڤە ژی هاڤێتیە،چونکی وان گۆتیە کو وەزارەت سالانە بڕە پارەکێ ب رێکا هژمارا بانکی بۆ یانا دابین بکەت،ئەم چاڤەرێ ینە لێ هێشتا نەهاتیە جێبەجێکرن.
رەشید جمعە سەرۆکێ یانا دینارتێ ددەتە دیارکرن کو چێکرنا یاریگەها دینارتێ خەونا مەبوو ئەڤە چەندین سالە ئەم بێ یاریگەھ و یاریگەها مە یا خراب بوو،پشتی سەرۆکێ حکۆمەتێ هاتیە ئاکرێ ئەڤ خەلاتە پێشکێشی مەکر و خەونا مە بجھ ئینا و ئەم دلخۆش کرین ب چێکرنا ڤێ یاریگەهێ،لێ زورا پێدڤیە پێنگاڤەک بۆ باشترکرنا رەوشا دارایی یا یانێ بهێتە هاڤێتن.