ئاکرێ نیوز
ئهڤرۆ سهرۆك بارزانى ل پیرمام پێشوازى ل مارك سترۆ، كونسلێ گشتى یێ نوى یێ ئهمریكا ل ههرێما كوردستانێ كر و ههر دو ئالیان دوپاتى ل ههڤكاریا ئهمریكا و ههرێمێ د شهڕێ دژى داعشێ و وارێن جودا كر.
ئهڤرۆ پێنجشهمبێ 24-8-2023یێ سهرۆك بارزانى ل پیرمام پێشوازى ل مارك سترۆ، كونسلێ گشتى یێ نوى یێ ئهمریكا ل ههرێما كوردستانێ كر و د دیدارهكێ دا كونسلێ نوى یێ ئهمریكا خۆشحالیا خۆ دهربڕى بۆ وێ دهلیڤهیا ل ههرێما كوردستانێ كار بكهت.
ههروهسا ئاماژه ب پهیوهندیێن دیرۆكى یێن وهلاتێ خۆ ل گهل ههرێما كوردستانێ د قۆناغێن جودا دا و رۆلێ سهرۆك بارزانى د گهشهپێدانا وان پهیوهندیان و بهرهنگاربوونا تیرۆرێ دا بلند نرخاند و تهكهزى ل سهر بهردهوامیا ههڤكارى و كارێ ههڤپشكێ ناڤبهرا ئهمریكا و ههرێما كوردستانێ دا كر.
ههر د دیدارێ دا سهرۆك بارزانى هیڤیا سهركهفتنێ بۆ كونسلێ نوى یێ ئهمریكا خواست و رۆناهى دا سهر رهوشا سیاسى یا ئیراقێ و ناوچێ و مهترسیێن مانا تیرۆرێ و ههروهسا بهردهوامیا هاریكارى و ههڤكاریێ د ناڤبهرا ئهمریكا و ههرێما كوردستانێ دا د شهڕێ دژى تیرۆرێ و وارێن جودا دا ب پێدڤى زانى.