ئاکرێ نیوز:
ئەڤ سالە خەلکەکێ زور ل کوردستانێ قەستا چیایێن کوردستانێ کر بۆ دەستڤەئینانا بەرهەمێ مازیان،چونکی رێژەکا باش هەبوو،بۆ ڤێ چەندێ حکومەتا هەرێما کوردستانێ رابوو ب رەوانەکرنا بەرهەمێ مازییان بۆ دەرڤەی وەلاتی،ل روژێن بوری 50تەن رەوانەی تورکیا کرن.
ئەحمەد جەمیل رێڤەبەرێ گشتی یێ چاندنێ ل پارێزگەها دهۆکێ بۆ ئاکرێ نیوز دیارکر،گەلەک بەرهەمێن چیایی ل هەرێما کوردستانێ هەنە و کوردستان یا بەرنیاسە ب بەرهەمێن ناڤخۆیی،ل دەمێ کابینا نەهێ یا حکۆمەتا هەرێما کوردستانێ چەندین بەرهەمێن ناڤخویی بۆ دەرڤەی وەلاتی هاتنە رەوانەکرن،مە هزر ل رەونەکرنا بەرهەمێ مازیان ژی کر و ل ڤان دوو روژان 50تەنێن مازیان بۆ دەرڤەی کوردستانێ هاتنە هنارتن.
گۆت:ئەڤ سالە رێژەکا باش ل بەرهەمێ مازیان ل چیایێن هەرێما کوردستانێ هەنە و ل ڤان دوو روژێن بوری بەرهەمێ وان بۆ وەلاتێ تورکیا هاتە رەوانەکرن و دێ بەردەوام بین ل رەوانەکرنێ.
گۆت: بێگومان هنارتنا بەرهەمێ جوتیاران بۆ دەرڤەیی کوردستانێ پێنگاڤەکا باشە بۆ بلندبوونا بهایێ بەرهەمێ جوتیاران و دێ جوتیار پتر گرنگیێ دەنە بەرهەمێ خۆ،هنارتنا بەرهەمێ مازیان بۆ دەرڤە ژی پێنگاڤەکا باشە و د ئەڤ سالەدا بەرهەمێ مازیان ل چیایێن کوردستانێ یێ زوربوو و خەلکەکێ زور قەستا چیایی کر بۆ ئینانا ڤی بەرهەمی، لەوا مە هزر دوێ چەندێ دا کر کو ئەڤ بەرهەمە بهێتە رەوانەکرن بۆ دەرڤەی وەلاتی.