مه‌سرور بارزانى و پلاسخارت: نابيت هه‌لبژارتن بهێنه‌ گيرۆكرن

سه‌رۆكێ حكومه‌تا هه‌رێما كوردستانێ و نوينه‌را سكرتێرێ گشتى يێ نه‌ته‌وه‌يێن ئێكگرتى ل ئيراقێ دوپاتكرن كو پێدڤيه‌ ئه‌نجامدانا هه‌لبژارتنێن په‌رله‌مانێ كوردستانێ نه‌هێته‌ گيرۆكرن.
مه‌سرور بارزانى سه‌رۆكێ حكومه‌تێ ئه‌ڤرۆ چارشه‌مبيێ پێشوازى ل جينين پلاسخارت كر و هه‌ردو لايه‌ن ل سه‌ر ئه‌نجامدانا هه‌لبژارتنان د ده‌مێ خۆ دا د هه‌ڤرا بوون.
سه‌رۆكێ حكومه‌تێ دوپاتكر كو نابيت ئه‌نجامدانا هه‌لبژارتنان زێده‌تر بهێته‌ گيرۆكرن و نابيت ببيته‌‌ قۆربانيا حه‌زێن چ لايه‌نان بۆ گيرۆكرنا وێ پرۆسێسێ.
ژماره‌يه‌كا ته‌وه‌رێن دى وه‌كى ره‌وشا ئيراقێ و شايسته‌يێن دارايى يێن هه‌رێمێ ژ ته‌وه‌رێن دى يێن كۆمبوونێ بوون.