لێكۆلینان دیار كرینه كو بۆراندنا ده‌مێن درێژ ب ته‌ماشه‌كرنا شاشه‌یان ژ وان ژى یێن موبایلان زیانان دگه‌هینیته چاڤێن مرۆڤان و ئه‌پل نویكرنه‌ك بۆ چاره‌كرنا ڤێ چه‌ندێ هه‌یه.
رۆژنامه‌یا ده‌یلى مه‌یل یا بریتانى به‌لاڤكریه؛ ئه‌پل دێ ساخله‌تێ پاراستنا چاڤان د ئه‌پدێتا نوىiOS 17 دا به‌رده‌ست كه‌ت.
ئالاڤێ نوى ب ناڤێ Screen Distance هوشداریێ دده‌ته بكارهینه‌رى ل ده‌مێ موبایل گه‌له‌ك نزیكى سه‌روچاڤێن وى و ب تایبه‌ت چاڤێن وى دبیت و تێدا دهێته نڤیسین "ئايفۆن گه‌له‌ك یا نزیكه".
ئه‌ڤ ساخله‌ته بۆ جارا ئێكێ د ئیڤێنتا Apple WWDC 2023 دا ل كالیفۆرنیا هاتبوو راگه‌هاندن.
ئه‌پل ل دۆر ڤێ چه‌ندێ دیار دكه‌ت "زێده‌كرنا مه‌وداى دناڤبه‌را چاڤان و موبایلێ دا دێ هاریكاریا زارۆكان ژ بۆ كێمكرنا مه‌ترسیا تووشبوونێ ب كورتبینیا چاڤان كه‌ت هه‌روه‌سا دێ ژ بۆ كێمكرنا ماندیبوونا چاڤان هاریكار بیت".
ئه‌پل زێده ژى كر: ساخله‌تێ Screen Distance كامیره‌یا TrueDepth ژ بۆ هاندانا بكارهینه‌ران بۆ دویركرنا ئامیره‌یێن موبایلێ ژ چاڤان ژ بۆ مه‌ودایێ نزیكى 30 سه‌نتیمه‌تران بكاردئینیت.
دهێته چاڤه‌رێكرن ئه‌پل ل سێپته‌مبه‌را بهێت نویكرنا نوىiOS 17 به‌رده‌ست بكه‌ت.