ئاکرێ نیوز:
بروا فاروق رێڤەبەرێ ناحیا بجیل تایبەت ب ئاکرێ نیوز ددەتە دیارکرن کو نها هژمارەکا پروژان ل سنورێ ناحیا بجیلێ دهێنە جێبەجێکرن ل سێکتەرێن جودا جودا ئەو ژی پروژێن ئاڤێ یێن گوندێن(ماندیا ژور و کێلێ و کێلەسینە و گوندێ زنتە) کو گەهشتی نە قوناغا دوماهیێ.
سەبارەت چێکرنا پروژێن رێکێن وێ دەڤەرێ ناڤبری گۆت کو پروژێ رێکا گوندێ شەرەفونا کەندەگول کو رێکا پێنج گوندان بخوڤەدگریت ب درێژاهیا 10کیلومەتران و بەشەک دهێتە قێرکرن و بەشەک دێ دەبل درێس هێتەچێکرن کو نها پروژە دەست پێکریە و ل قوناغا دەستپێکێ دایە،هەروەسا بەشەک ژ رێکێن دی ل سەنتەرێ ناحیا بجیل و کەلاتێ دهێنە چێکرن.
رێڤەبەرێ ناحیا بجیلێ گۆت ژی کو دەت ب دروستکرنا پروژێ بەنداڤا بجیل ژی هاتیەکرن و ل قوناغێن دەست پێکێ دایە و ئەوژی ئێک ل پروێن گرنگە،هەروەسا دو قوتابخانان ئێک ل سەنتەرێ ناحیا بجیل و ئێک ل گوندێ سەرسور رەزامەندی بۆ هاتیەکرن هەردوو ل قوناغێن تەندەریێ دانە و پارەژی بۆ هاتیە تەرخانکرن کو ئەم شێیێن بێژین نزیکی 4ملیاران پروژە ل ناحیا بجیلێ دهێنە چێکرن.
داویێ ژی گۆت کو مە دپلانا خۆدا هژمارەکا پروژێن دی یێن گرنگ ب نڤیسارێن فەرمی گەهاندینە جهێن پەیوەندیدار کو بهێنە جێبەجێکرن کو پروژێن ستراتیژی و گرنگن بۆ خەلکێ دەڤەرێ.