جێگرێ سه‌رۆكێ پارتى، پارتى چ جاران گه‌لێ خۆ ناهێلیت و دێ بیته پارتا ئێكێ ل ئیراقێ و پارتى داكۆكییێ ل مافێن گه‌لێ كورد ل به‌غدایێ دكه‌ت و دڤێت په‌ڕله‌مانتارێن پارتى ب پڕۆژه‌یێن باشتر خزمه‌تا گه‌لێ خۆ بكه‌ن.
نێچیرڤان بارزانى، جێگرێ سه‌رۆكێ پارتى د ئاهه‌نگا ناساندنا به‌ربژارێن ئاكرێ و به‌رده‌ره‌ش دا راگه‌هاند، ئاكرێ هاڤینگه‌ها كوردستانێ یه و بزاڤان دكه‌ین پڕۆسه‌یا چاره‌سه‌ریێ سه‌ركه‌ڤیت و جۆتیار ڤه‌گه‌ڕنه سه‌ر گوندێن خۆ و كه‌رتێ گه‌شتیارى ل ڤێ ده‌ڤه‌ری بهێته ڤه‌ژاندن.
هه‌روه‌سا دوپاتكر، ئاشتى رێبازا پارتى یه و ئاڤه‌دانى ئارمانجه، بۆ ئاشتییێ هه‌رده‌م د ئاماده‌ینه بزاڤا مه بۆ ئاشتییێ یه و ئاكرێ مه‌لبه‌ندێ خه‌بات و شۆڕشێ بوو، سوپایێن ده‌وله‌تێن ئیراق و سووریا تێكشكاندن و گونده‌ك و تاخه‌كێ ئاكرێ نینه قه‌هره‌مانییا پارتى لی نه‌هاتبیته تۆماركرن و حزبا پاراستنا پێكڤه‌ڤه‌ژیانا ئاینى یه پشتراستم ژ پشته‌ڤانییا هه‌وه دێ پارتى سه‌رئێخیت.
جێگرێ سه‌رۆكێ پارتى ئاشكراكر، دا كوردستانێ ببه‌ته قۆناغه‌كا باشتر، بهێزبوونا پارتى بهێزبوونا كوردستانێ یه و هه‌مى ده‌نگ بۆ پارتى بن پارتى ئێمناهى ئینایه و پارتى ئامرازه و كوردستان ئارمانجه و دڤێت ده‌نگێ هه‌مییان بۆ پارتى بیت و د خوازین ده‌نگێن پارتى ل ڤێ ده‌ڤه‌رێ زێده بكه‌ین و كه‌س نه‌بێژیت ده‌نگێ پارتى یێ زێده‌یه و دڤێت رۆژا ده‌نگدانێ بچینه سه‌ر سندۆقێن ده‌نگدانێ و ده‌نگان و بۆ ئێك ملیۆن و زێده‌تر ببه‌ین.
نێچیرڤان بارزانى ئاشكراكر، كارێ پارتى ل به‌غدا پاراستنا قه‌وارا هه‌رێما كوردستانێ یه و موكمكرنا برا‌تییا كورد و ئه‌ره‌بانه و دڤێت په‌ڕله‌مانتارێن پارتى پڕۆژه‌یێن نوى پێشكێش بكه‌ن.
جێگرێ سه‌رۆكێ پارتى دازانین ژى ب پێكڤه‌گرێدانا ئاین و نه‌ته‌وه‌ییان پارتى ب تۆڕه‌كا مه‌زن یا په‌یوه‌ندییان ل گه‌ل ڤێ ناوچێ و جیهانێ گرێدا و په‌یامه‌ك بۆ گه‌نجان هنارت و گۆت: ئالایێ 79 سالێن خه‌باتێ د ده‌ستێن هه‌وه دایه نه‌هێلن ب كه‌ڤیت.
ل دوماهییا گۆتارا خۆ ژى خویاكر، بێ دو دلى هه‌رنه ناڤ خه‌لكى و داخوازا ده‌نگان بۆ پارتى بكه‌ن و هه‌مى ده‌نگى بده‌نه پارتى و ده‌نگى بده‌نه كوردستانه‌كا بهێز و ئاڤا و پێشكه‌فتى تر.