هزێن سووریا دیمۆکرات هەسەدە، گرتنا سێ تیرۆرستێن داعشێ و پویچکرنا پلانێن وان ل رۆژهەلاتێ دێرەزوورێ راگەهاند.
هەسەدێ ئەڤرۆ رۆژا چارشەمبی 1ی چریا ئێکێ یا سالا 2025ێ د بەیانەکێ دا راگەهاند: د بزاڤێن ئەمنی و سەربازی یێن بەردەوام، هێزێن وان شیان شانەیەکا تیرۆرستی کو ژ سێ ئەندامێن داعش پێکدهاتبوون ل باژێرکێ ئەلتەکیحی ل رۆژهەلاتێ دێرەزورێ دەستەسەر بکەن و پلانێن وان ژناڤببەن کو پلانێن هێرشکرنێ هەبوون.
ئاماژە ب وێ یەکێ ژی کر: ئۆپەراسیۆن پشتی چاڤدێریەکا هویر یا لڤینێن ئەندامێن شانەیێ بوو، کو خو بەرهەڤدکر بۆ ئەنجامدانا هێرشێن تیرۆرستی و ب ئارمانجکرنا ئاسایش و سەقامگیرییا دەڤەرێ.
گۆت ژی: هێزێن وان دۆرپێچەکا توند یا ئەمنی ل دەردۆرا جهێ وان سەپاند و شیان بێی چ زیانێن گیانی دەستەسەربکەن و دەست ب سەر چەک و بەلگەنامەیەکێ دا هاتە گرتن، کو پەیوەندیا وان ب داعشێ ڤە دسەلماند.
ل دویماهییا بەیانا خۆ هەسەدێ پێگیربوونا خۆ یا نەگهۆر بۆ چاڤدێریکرنا بەرمایکێن داعشێ و شانەیێن وێ یێن نڤستی و ژناڤبرنا بزاڤێن وان بۆ تێکدانا ئاسایش و سەقامگیریێ ل باکۆر و رۆژهەلاتا سووریێ دوپات کر نڤێسییە: "دێ بەردەوام بن ل بجهئینانا ئەرکێ خۆ یێ نشتیمانی و مرۆڤایەتی بۆ پاراستنا گەلێ خۆ و پاراستنا دەستکەفتێن وان.