سەرۆک نێچیرڤان بارزانی پێشوازی ل نوینەرێ تایبەتێ سکرتێرێ گشتی و سەرۆکێ تیما نەتەوەیێن ئێکگرتی ل ئیراقێ ( (UNAMIکر.
مالپەرێ سەرۆکایەتییا هەرێما کوردستانێ بەلاڤکر: ئەڤرۆ رۆژا سێشەمبی، سەرۆک نێچیرڤان بارزانی پێشوازی ل محەمەد ئەلحەسسان، نوینەرێ تایبەتێ سکرتێرێ گشتی و سەرۆکێ تیما نەتەوەیێن ئێکگرتی ل ئیراقێ ( (UNAMIکر.
سەرۆکایەتییا هەرێمێ ئاماژە کر: د کۆمبوونێ دا، پرۆسەیا سیاسی و رەوشا گشتی یا ئیراق و هەرێما کوردستانێ و پەیوەندییێن هەولێر - بەغدا و بزاڤ و گۆتوبێژ بۆ چارەکرنا کێشەیێن دناڤبەرا وان دا بەحسکرن.
دا زانین ژی: هەردو ئالییان داکۆکی ل گرنگییا چارەکرنا کێشەیێن هەولێر- بەغدا ب گۆتۆبێژ و لێکتێگەهشتنێ کر و هەروەسا هەڤرابوون ل سەر وێ یەکێ کو چارەکرنا کێشەیێن ئیراقێ دێ خزمەتێ ل پاراستنا ئارامی و سەقامگرییا وەلاتی و پێشکەفتنا وێ کەت.
ل گۆرەی مالپەرێ سەرۆکایەتییێ، دویماهی پێشهاتێن رۆژهەلاتا ناڤین، تەوەرەکێ دی یێ کۆمبوونا سەرۆکێ هەرێمێ و نوینەرێ گشتی یێ UNێ بوون.