ئەڤرۆ چارشەمبی 3ی ئیلۆنا 2025 ێ، ب سەرپەرشتییا سەرۆکوەزیران مەسرور بارزانی و ب ئامادەبوونا قوباد تالەبانی جێگرێ سەرۆکوەزیران، جڤاتا وەزیرێن هەرێما کوردستانێ کۆمبوو.
جڤاتا وەزیران بابەتێ موچەیی و هنارتنا نەفتێ گۆتوبێژ كر
ئەڤرۆ چارشەمبی 3ی ئیلۆنا 2025 ێ، ب سەرپەرشتییا سەرۆکوەزیران مەسرور بارزانی و ب ئامادەبوونا قوباد تالەبانی جێگرێ سەرۆکوەزیران، جڤاتا وەزیرێن هەرێما کوردستانێ کۆمبوو.
سەرۆکوەزیران ب ناڤێ جڤاتا وەزیران، پیرۆزباهییا یادا ژ دایکبوونا پێغەمبەرێ ئیسلامێ حەزرەتێ محەمەد ( سلاڤێن خودێ ل سەر بن) ل موسلمانێن کوردستانێ و جیهانێ کر و هیڤی خواست ئەڤ بیرەوەرییە ببیتە بیرەوەریا خێر و خۆشی و ئاشتی و ئارامی بۆ هەموویان.
جڤاتا وەزیران دەستخۆشی ل لژنا دانوستاندکارا هەرێمێ كر" کو دلسۆزانە ئەرکێ خۆ بجهئینایە بۆ داکۆکییێ ل مافێ موچەخۆران و شایستێن دارایی یێن هەرێمێ، هەروەسا جڤاتا وەزیران، شاندێ دانوستاندکار ڕاسپارد کو د کۆمبوونا سوبەهی دا بڕیارە ل بەغدا ل گەل هەڤكیفێن خۆ ل حکومەتا فیدڕالی ئەنجام بدەن، بەردەوام بن ل سەر بزاڤێن خۆ و لەزێ بکەن و بگەهنە چارەسەرییەكا گونجایی، ژ پێخەمەتی دەستپێکرنا هنارتنا نەفتا هەرێمێ ب رێیا کۆمپانیای سۆمۆ، ب تایبەتی ژی کو هەردو وەزارەتێن نەفتێ و سامانێن سروشتی و کۆمپانیا نەفتا باکور و کۆمپانیا سۆمۆ، کۆنڤیسێ هەڤپشكێ پڕۆتۆکۆلیێ دەستپێکرنا هنارتنا نەفتێ ئیمزا کریە، ئەوا ل سەر هەرێما کوردستانێ بوویە، ب زێدەهییڤە کارئاسانییا پێدڤی هاتییە کرن بۆ نەهێلانا بەربەستان، بزاڤ ژی بەردەوامن بۆ گەهشتن ب ئاستێ بەرهەمئینانا پێش هێرشێن تیرۆریستی یێن ڤێ داوییێ یێن ل سەر کێڵگەهـ و دامەزراوەیێن نەفتێ ل هەرێمێ.