د چارچوڤێ خۆ ئامادەکرنێن بۆ وەررزێ نوو یێ خولا نایابا کوردستانێ، یانەیا وەرزشی یا ئاکرێ چەندین گرێبەستێن گرنگ دگەل یاریزانێن دیار ئیمزا کرن دا کو ڕیزێن تیما خۆ بهێزتر بکەت.
دەستەیا کارگێڕی و ستافێ هونەری شیانە ل گەل چەند یاریزانەکێن خودان شیان بگەهنە ڕێککەفتنێ کو دێ هێزەکا نوو دەنە تیما چیایێ ئاکرێ. د ناڤا گرێبەستێن نوو دا، ناڤێن ڤان یاریزانا دهێنە دیارکرن:
پەیام ئەحمەد ، یاریزانێ هێلا ناڤینێ یێ بەرێ یێ یانەیا سیروانی نوێ ، کو ب شیانێن خۆ یێن هێرشبەری و دروستکرنا دەلیڤەیان دهێتە نیاسین.
سولتان کاسر سولتان ، هێرشبەرێ سوری یاریزانێ ئولمپیا سوری کو خودان ئەزموونەکا باشە و دێ بیتە پشتەڤانیەکا بهێز بۆ هێلا پشیێ یا یانەیێ.
دیدار غازی ، بەرگریکار و ناڤەرستکار کو لسەر ئاستێ خولێ خودان ئەزموونەکا باشە و دێ بیتە پشتەڤانیەکا بهێز بۆ هێلا پشتیێ یا یانەیێ
دگەل نوکرنا گریبەستا چەندین یاریزانێن یانێ
ژ ئالیێ خۆڤە، ڕاهێنەرێ یانەیێ هێور مستەفا د داخویانیەکێ دا بۆ میدیایان گۆت: "ئەڤ گرێبەستە لسەر داخوازا ستافێ هونەری بووینە و مە هەول دایە وان یاریزانا بینین کو دشێن تاکتیک و پلانا مە بجێ بهینن. ئارمانجا مە ئەوە کو ئەڤ وەررزە ئاستەکێ بەرز پێشکێش بکەین و ببینە ڕکابەرەکێ بهێز لسەر بدەستڤەئینانا نازناڤێ خولێ."
ب ڤان پشکداریێن نوو، جەماوەرێ وەرزشی یێ دەڤەرا ئاکرێ ب هیڤی یە کو تیما وان بشێت ئاستەکێ شایستە پێشکێش بکەت و ئەنجامێن باش د وەررزێ داهاتی دا بدەستڤەبینیت.