سەرۆکوەزیر مەسروور بارزانی ل گەل نوینەرێ گشتی یێ نەتەوەیێن ئێکگرتی ل ئیراقێ کۆمبوو، بەحس ل گرنگی، پاراستن و دابینکرنا مافێن دستووری و شایستەیێن دارایی یێن خەلکێ هەرێمی کر.
مالپەرێ فەرمی یێ حکومەتا هەرێما کوردستانی بەلاڤکر، ئەڤرۆ رۆژا سێشمەبی، سەرۆکوەزیر مەسروور بارزانی، پێشوازی ل محەمەد ئەلحەسان، نوینەرێ گشتی یێ نەتەوەیێن ئێکگرتی ل ئیراقێ یۆنامی کر، و د کۆمبوونێ دا بەحس ل دویماهی پێشهاتێن هەرێما کوردستانێ و رەوشا گشییا ئیراق و دەڤەرێ هاتە کرن.
ئاشکرا کر: د تەوەرەکێ سەرەکی یێ کۆمبوونێ ژی دا دوپاتی ل گرنگییا پاراستن و دابینکرنا مافێن دستووری و شایستەیێن دارایی یێن خەلکێ کوردستانێ و رێزگرتن ل قەوارەیێ فیدارلییێ هەرێما کوردستانێ هاتە کرن.