ب مەرەما گەهاندنا پەیاما پیروزباهیا سالیادا دامەزراندنا ئێکەتیا زانایێن ئاینێ ئیسلامێ کوردستان (د.مەردان خدر) بەرپرسێ لقا ٩ یا پارتی دیموکراتی کوردستان و کارگێرێن لقێ سەرەدانا ئێکەتیا زانایێن ئاینێ ئیسلامێ/لقا ئاکرێ کرن،
بەرپرسێ لقێ سەرەرای پیروزباهیێن گەرم ل گشت زانایێن ئاینێ ئیسلامێ و تایبەت یێن ڤێ دەڤەرێ هەروەسا پەسنا رول و کاریگەری و گەهاندنا پەیاما راستیێ ل هەمبەر بلند راگرتنا ئاینێ پیروزێ ئیسلامێ کرن،
کو هەردەم ئێکەتیا زانایان هەلگرێ پەیامێن پیروز و ئاشتی و پێکڤە ژیانێ نە،
ئێکەتیا زانایێن ئاینێ ئیسلامێ ل 21 /9 /1970 لسەر دەستێ رێبەرێ نەتەوەیێ کورد (مەلا مستەفا بارزانی) هاتیە دامەزراندن کو پێنگاڤەکا گرنگ و مەزن و پیروزە ل پێناڤ خزمەتا ئیسلامێ و بەرەڤانیکرن ژ ماف و دەستکەفتێن گەلێ کورد.