سەرۆکێ دەستەیا وەبەرهێنانێ ل هەرێما کوردستانێ دیار كر: ل هەرێما کوردستانێ 367 پرۆژێن ئاكنجیبوونێ هەنە.
د. محەمەد شوکری، سەرۆکێ دەستەیا وەبەرهێنانێ ل هەرێما کوردستانێ گۆت ژی: پشتی دووڤچوونەكا هویر ژ لایێ دەستەیا وەبەرهێنانێ ڤە ل كوردستانێ، وەزارەتێن باژێرڤانی و ئاڤەدانکرنێ ل حکومەتا هەرێما کوردستانێ، ل سەر فەرمانا مەسرور بارزانی، سەرۆکوەزیرێن هەرێما کوردستانێ، ل شواتا 2024 ێ” مۆلەتدان بۆ پرۆژێن ئاكنجیبوونێ ل لدووڤ پێدڤییا باژێران هاتینە راگرتن.
ناڤهاتی گۆت ژی: ل هەرێما کوردستانێ 367 پرۆژێن ئاكنجیبوونێ هەنە، ئەڤە ژی د چارچوڤێ پلانا حکومەتێ دا بۆ زێدەكرنا کاری یە” دێ بزاڤێ كەین ئەو پرۆژێن نەهاتینە تەمام کرن، کێشێن وان چارەسەر بکەین و دەست ب وەبەرهێنانێ بکەنەڤە، هەروەسا چاڤدێرییا هەموو پرۆژان دکەین، هەر خەمساریەكا د پرۆژەدێ دا هەبیت” دێ لێپرسین ل گەل دا هێتە كرن، هەر د ڤی چارچوڤەیی دا پتر 160 مۆلەتان ژ وەبەرهێنەران هاتینە وەرگرتن و مە داینە هندەك وەبەرهێنەرێن دیتر.
سەرۆکێ دەستەیا وەبەرهێنانێ ل هەرێما کوردستانێ ئەو ژی ئاشكرا كر: لدووڤ داتایان پرۆژە و نڤێسینگەهێن خانوبەران، داخوازی ل سەر پرۆژێن ئاكنجیبوونێ زێدە بووینە، ب تایبەتی ل وان پرۆژێن کوالێتیا وان یا بلند، زێدەباری بهایێن وان، بەلێ داخوازیێن وەلاتییان زۆر بووینە، ئەڤە ئاماژەکە بۆ ڤەژاندنا بازارێ هەرێما کوردستانێ” هەروەسا هەتا نوكە بەشەكێ زۆر یێ وان پرۆژێن ئاكنجیبوونێ کارەبا 24 دەمژمێری بۆ هاتیە دابینکرن، ل حەفتییا بهێت نێزیکی شەش پرۆژێن دیتر دێ هێنە دناڤا پرۆژێ ڕۆناکی دا، هەروەسا د دەمەكێ نێزیك دا مەزنترین کارگەها جیپسم بۆرد ل سەرانسەری عێراقێ ل هەولێرێ دێ کەڤیتە د وارێ بجهئینانێ دا