رێڤەبەرێ شوێنەوار و کەلەپوورێن پارێزگەها دهوکێ راگەهاند، نوکە کار بۆ پێشخستنا باژێرێ کەڤنارێ ئاکرێ و کارکرن بۆ پەرەپێدانا گەشتوگوزارییا شوێنەواری ل ئاکرێ دهێتە کرن.
د. بێکەس بریفکانی، رێڤەبەرێ شوێنەوار و کەلەپوورێن پارێزگەها دهوکێ راگەهاند، دگەل لایەنێن پەیوەندیدار ل ئاکرێ پێشنیازا پلانەکێ بۆ پاراستنا ئاڤاهیێن کەڤنار ل قەزا ئاکرێ هاتە کرن دگەل چێکرنا رێکەکا کەلتوری بۆ گەهشتن بۆ باژێرێ کەڤنار و چێکرنا پارکەکێ و باخچەیەکێ ڤەکری بۆ باژێرێ سەری ل ئاکرێ کۆ زێدەتر خزمەتا باژێرێ کەڤنار و خەلکێ دەڤەرێ و گەشتیاران بهێتە کرن.