بارەگایێ بارزانی ل دۆر هێرشا ل سەر میر حازمی پەیامەک بەلاڤکر و دیارکر: ب توندی وێ بێرێزییا کەسەکێ نەزان یێ ئێزدی ل باژێرێ بەرلینێ بەرانبەری میر حازمی شەرمزار دکەین و پشتەڤانییا خۆ بۆ میر حازمی دوپات دکەین.
سێشەمبییێ 5ێ تەباخا 2025ێ، بارەگایێ بارزانی راگەهاند؛ گەلەک ب توندی وێ بێرێزییا کەسەکێ نەزان یێ ئێزدی بەرانبەری میر حازم تەحسین بەگ، میرێ ئێزدییان ل کوردستانێ و جیهانێ و سەرۆکێ جڤاکا رۆحانی یا ئێزدییان شەرمزار دکەین.
دیارکر ژی؛ مەبەستێن خراب ل پشت ڤان جۆرە رەفتاران هەنە و ب چو رەنگەکی ناهێنە قەبویلکرن.
بارەگایێ بارزانى گۆت ژی: هەر ژڤێرە پشتەڤانییا خۆ بۆ میر حازمی دوپات دکەین و هەمی بزاڤێن دروستکرنا دوبەرەکییا دناڤبەرا ئێزدییان و سڤکاتیکرنا ب پیرۆزییان رەت دکەین.