ئەڤرۆ رۆژا چارشەمبێ، 20-8-2025ێ فەوزی حەریری، سەرۆکێ دیوانا سەرۆکاتییا هەرێمێ ل گەل ماکسیم رۆبن، کونسولێ گشتییێ رۆسیا ل هەرێمێ کۆمبوو و د کۆمبوونێ کو فەلاح مستەفا، هاریکارێ سەرۆکی بۆ کاروبارێن دەرڤە و نیاز سالح، بەرپرسێ کاروبارێن دەرڤە و دپلۆماسی ل سەرۆکاتییێ د بەرهەڤبوون دوپاتی ل گرنگییا بەردەوامییا پەیوەندیێن دناڤبەرا هەرێما کوردستانێ و رۆسیا دا کر.
دا زانین ژی: هەردو ئالییان هزر و بیر ب مەرەما پێشخستن و گرنگیپێدانا هاریکارییا هەڤپشک د وارێن جودا-جودا دا لهەڤگۆهارتن.
ل گۆرەی ژێدەری، د تەوەرەکێ دی یێ کۆمبوونێ دا رەوشا ئیراقێ و پێشهاتێن وێ ب تایبەتی هەلبژارتنێن چاڤەرێکری یێن جڤاتا نوونەران هەروەسا کێشەیێن هەلاویستی یێن هەولێر-بەغدا و کێشەیێن نوکە یێن لدۆر تێهن و دارایی ژی بەحسکرن و هەر دو ئالی لسەر چارەکرنا وان کێشەیان ب دانوستاندنێن بەردەوام هەڤرابوون.
هەلسەنگاندنا رەوشا گشتی یا دەڤەرێ تەوەرەکێ دی یێ کۆمبوونێ بوو کو تێدا دەرئەنجامێن روودانان ل سەر سەقامگرییا سیاسی و ئەمنی یا وەلاتێن دەڤەرێ بەحسکرن.