مەسروور بارزانی، جێگرێ سەرۆکێ پارتی ل دۆر رۆژا ژدایکبوونا سەرۆک بارزانی و سالرۆژا دامەزراندنا پارتی راگەهاند؛ جەژنا ژدایکبوونا سەرۆک و پێشمەرگەیێ کوردستانێ و سالرۆژا دامەزراندنا پارتی ل هەمییان پیرۆز بیت.
مەسروور بارزانی، جێگرێ سەرۆکێ پارتی دیمۆکراتی کوردستان د بەیانەکێ دا راگەهاند؛ جەژنا ژدایکبوونا باب، سەرۆک، رابەر و پێشمەرگەیێ کوردستانێ و سالرۆژا دامەزراندنا پارتی دیمۆکراتی کوردستان ل هەمییان و ب تایبەتی مالباتێن سەربلند یێ شەهیدان و پێشمەرگەهێن قەهرەمان پیرۆز بیت.
ل دۆر رۆلێ سەرۆک بارزانى هەروەسان گۆت ژی: خۆزی مە هەمییان شیابا ل ئاست مەزناهییا جەنابێ تە خزمەتێ بکەین، سۆز بیت رێباز، فەرمان، دیتن و بۆچوونێن جەنابێ تە بۆ کوردستانەکا ئازاد، سەقامگیر و خۆشگوزەران و دادپەروەر، بکەینە بەرنامەیێ کارێ رۆژانە و ئەرکێ نیشتیمانی یێ خۆ.
مەسروور بارزانى ئاشکراکر ژی؛ هەر بمینی بۆ مە و هەر د گۆپیتکا سەرکەفتنان دا بی و پارتی ژی هەر د پێشکەفتن و سەرکەفتێن بەردەوام دا بیت.
هەروەسان دیارکر ژی؛ هیڤیخوازم خودایێ مەزن هەوە بپارێزیت و ساخلەم بن.