وەزارەتا سامانێن سروشتی یا هەرێما کوردستانێ و وەزارەتا پەترۆلا ئیراقێ ل سەر هنارتنا خامێ پەترۆلا هەرێمێ رێککەفتن.
ل گۆرەی زانیاریان، وەزارەتا سامانێن سروشتی یا هەرێما کوردستانێ ئەڤرۆ رۆژا چارشەمبی ل گەل وەزارەتا پەترۆلا ئیراقێ رێککەفتییە بۆ هنارتنا خامێ پەترۆلا هەرێمێ ل گۆرەی میکانزمەکا تایبەت.
رێککەفتن ب ڤی رەنگی یە، پرۆسەیا هنارتنێ دێ ل گۆرەی ئاستێ بەرهەمئینانا رۆژانە بیت پشتی 50 هزار بەرمیل بۆ بکارئینانا ناڤخۆ یا هەرێمێ دهێنە تەرخانکرن. پەترۆلا مایی دێ رادەستی کۆمپانیا سۆمۆ هێتەکرن.
رەشنڤیسا رێککەفتنێ ژ ئالییێ شاندێ وەزارەتا پەترۆلا ئیراقێ و شاندا وەزارەتا سامانێن سروشتی یا هەرێمێ ڤە هاتییە ئیمزاکرن و شاندا فیدرالی ڤەگەریایە بەغدا.
دەستپێکرنا هنارتنا پەترۆلێ پێدڤی ب دانوستاندنانە د ناڤبەرا حکومەتێن ئیراق و تورکیا ب رێکا بەندەرێ جەیهان.