وەزیرێ ناڤخۆ یێ ئیرانێ راگەهاند: پتری 3 ملیۆن 400 هزار زیارەتکارێن ئیرانی بۆ پشکداریکرنێ د چلییا ئیمام حسێنی دا قەستا ئیراقێ کریە هەڤدەم داخواز ژ زیارەتکاران ژی کر پێگیری رێکارێن سلامەتی ب رەنگەکێ ب رێکوپێک ببنن.
ئەسکەندەر مۆئمنی، وەزیرێ ناڤخۆ یێ ئیرانێ دەربارەیی دویڤچوونێ بۆ دەریێ سنۆرییێ خوسرەوی و لڤینێن سەرەدانکەران ب رێیا وی دەریێ سنۆری راگەهاند: تا نوکە زێدەتری ژ 500 هزار سەرەدانکەران ب رێیا وی دەریی دەربازبووینە و هاریکارییا نێزیک د ناڤبەرا ئیران و ئیراقێ ژی رولەکێ بەرچاڤ ل باشترکرنا خزمەتگۆزارییان کریە.
ئاماژە ژی کریە: هاتنوچوون ب رییا ئەوی دەریی ب هەڤبەرکرن ل گەل سالێن بووری باشتر و رێکخستیتربوویە هەڤدەم دەمێ ب رێڤەبرنا کاروبارێن زیارەتکاران ژی ب لەزتربوویە.
دایە زانین ژی: هەر شەش دەرییێن سنۆری دبن چاڤدێرییا هێزێن ئەمنی و سەربازی و پاسەوانێن سنۆری دانە، و ئاسایشا دەرییان ژی ب تەمامێ پاراستییە بێ کو چ رویدانێن ئەمنی تۆمار ببن و داخواز ژ زیارەتکاران ژی کر پێگیری رێکارێن سلامەتی ب رەنگەکێ ب رێکوپێک ببنن