نەتەوەیێن ئێکگرتی راگەهاند: ژ دەستپێکا شەرێ غەززە یێ کو ل مەها 10 یا سالا 2023ێ دەستپێکری، پتری 100 زارۆکان ژ برسان دا مرینە.
ئۆفیسا هەماهەنگییێ یا کاروبارێن مرۆڤی یا نەتەوەیێن ئێکگرتی ( OCHA ) راگەهاند: ب پشتبەستن ب داتایێن ساخلەمییا فەلەستینێ، ژمارا وان زارۆکێن ژ بەر شەرێ غەززە ژ برسان دا مرین گەهشتییە 100 زارۆکان و ئەڤ ئامارە ژی ب وێرانکەر و شەرمزاری بۆ جیهانێ دازانین.
بەرنامەیێ خوارنێ یێ جیهانێ راگەهاند: زێدەتری 300 هزار زارۆکان د مەترسیەکا مەزن دانە و زێدەتری ئێک ل سەر سێ یا خەلکێ غەززە رادگەهینن کو هەر چەند رۆژان جارەکێ دانەکێ خوارنێ ب دەست وان دکەڤیت کو ئەو بشێن بخۆن.
ئاماژە ب وێ یەکێ ژی کریە: کو دابینکرنا پێدڤیاتییێن دەستپێکی و هاریکاریێن خوارنێ ل غەززە پێتڤی ب زێدەتری 62 هزار تەنان هەیە د هەیڤەکێ دا لێ تا نوکە رێ ب رێژەیا پێتڤی نەهاتییە دان بۆ پشتراستبوونێ ژ پاراستنا ژیانا نێزیکی 2 ملیۆن کەسان.