سه‌رۆكایه‌تییا هه‌رێمێ رادگه‌هینیت، پێدڤییه حكومه‌تا ئیراقێ بله‌ز رێكاران ل هه‌مبه‌رى هێرشێن ل سه‌ر په‌ترۆلگه‌هێن هه‌رێمێ بگریته به‌ر.
دوهى و ئه‌ڤرۆ بۆ ده‌ما چه‌ندین جارانه ب هێرشێن جودا و درۆنان هێرش ل سه‌ر ناوچه و په‌ترۆلگه‌هێن هه‌رێما كوردستانێ دهینه‌كرن و تا نوكه چ جهه‌كى به‌رپرسایه‌تییا خۆ ژ هێرشێ دیار نه‌كریه.
سه‌رۆكایه‌تییا هه‌رێما كوردستانێ هێرشێن ل سه‌ر ژێرخان و ناوچه‌یێن جودا – جودا یێن كوردستانێ شه‌رمزار دكرن و راگه‌هاند، دوهى و ئه‌ڤرۆ كێلگه‌هێن په‌ترۆلێ ناوچه‌یێن خۆرمه‌له و سه‌رسنك بووینه ئارمانج و دڤێت حكومه‌تا ئیراقێ رێكاران بگریته به‌ر و هێرشبه‌ران ژى دیار بكه‌ت.
سه‌رۆكایه‌تییا هه‌رێما كوردستانێ ئاشكراكر، هێرش سه‌قامگێرى و سه‌روه‌رییا ئیراقێ تێكدده‌ن و وه‌به‌رهێنانا بیانى ژى دئێخنه به‌ر مه‌ترسیێ.